Рэгіён, Культура

Да Цэліны Бажэнцкай

17.02.2015 11:11

3936 праглядаў, 17 каментароў

У вёску Антавіль прайшла краязнаўчая экспедыцыя

Краязнаўчая секцыя аршанскага моладзевага грамадскага аб'яднання "Звяз" арганізавала экспедыцыю ў вёску Антавіль - да месца нараджэння блаславёнай Цэліны Бажэнцкай. Цэліна Бажэнцкая паходзіла з роду аршанскай шляхты Хлюдзінскіх. Іхняму роду належалі Хорабрава, Антавіль, Дзянісаўка. Поўнае імя блаславёнай - Цэліна Разалія Леанарда Хлюдзінская-Бажэнцкая нарадзілася 29 кастрычніка 1833 года. Будучая манахіня імкнулася сыйсці ў манастыр яшчэ ў маладосці, але бацькі забаранілі, давялося выходзіць замуж. Тады ва ўзросце 20 гадоў яна і пераехала ў маёнтак мужа пад Гродна. За аказанне медычнай дапамогі паўстанцам Каліноўскага Цэліна была арыштавана і разам з дачкой Ядзвігай (на той момант узрост дачкі складаў усяго некалькі тыдняў) змешчана ў вязніцу Гродна. Пазней Бажэнцкія разам з'язжаюць у Вену дляь лячэння паралізаванага мужа. праўда, лячэнне карысці не прыносіць, Іосіф Бажэнцкі памірае. Тады Цэліна прымае манаскі пострыг і з цягам часу стварае ўласны жаночы манаскі ордэн сясцёр з мёртвых паўстання Госпада нашага. Ордэн на чале з Цэлінай Бажэнцкай прапаведуе па ўсім свеце (Польша, Балгарыя, ЗША і г.д.) сярод каталікоў як лацінскага, так і грэчаскага абраду (Уніятаў). Памерла Цэліна Бажэнцкая ў 1913 годзе. Беатыфікацыя нашай зямлячкі распачалася па ініцыятыве Папы Рымскага Пія ХІІ, а скончыў беатыфікацыю Бенедыкт XVI у 2007 годзе.

Па меркаванні ўдзельнікаў краязнаўчай секцыіі АМГА "Звяз" месца нараджэння Цэліны Бажэнцкай магло б стаць месцам паломніцтва каталікоў з усяго свету, пры ўмове з'яўлення адпаведнай інфраструктуры. Прэзентацыя Антавіля, як культавага месца магло б значна паспрыяць развіццю турызма ўвогуле і рэлігійнага турызма ў прыватнасці, ў нашым рэгіёне. Менавіта для разгляду інфраструктуры краязнаўчай секцыяй і была арганізавана экспедыцыя. Шлях да месца нараджэння бляславёнай і назад удзельнікі экспедыцыі прайшлі пешку.