Псеўдапатрыятычная сустрэча, якая прайшла ў 19-й школе, вельмі доўга была невядомай для журналістаў. Калі ж, урэшце, з'явілася інфармацыя аб ёй, гэта выклікала скандал.
Патэнцыйныя сепаратысты з арганізацыі "Праваслаўны Казачы Ваенна-патрыятычны Клуб ў імя Архангела Міхаіла", незарэгістраванай у Беларусі, правялі сустрэчу з навучэнцамі 19-й школы. Натуральна, падобныя сустрэчы на тэрыторыі Беларусі недапушчальныя.
Хваля абурэння, скаргаў людзей і розгаласу прымусіла школу выдаліць са свайго сайту ганебныя здымкі патэнцыйных тэрарыстаў. Цяпер таго, хто жадае знайсці тыя здымкі па спасылцы, на сайце чакае адмысловае паведамленне. Абураная грамадскасць спадзяецца на тое, што простым выдаленнем кампраметуючых фатаграфій сітуацыя не скончыцца і вінаватыя будуць пакараныя.
