Вялікая частка індывідуальных прадпрымальнікаў Оршы, якія займаюцца продажам адзення і ў 2016 годзе яшчэ не выходзілі на працу, сустрэліся з прадстаўнікамі мясцовай улады. Надзеі на вырашэнне сітуацыі не спраўдзіліся. Сустрэча адбылася каля гарвыканкама. Прадпрымальнікі пакінулі ліст з патрабаваннем скасавання ўказу № 222. Прадстаўнікі мясцовай улады, якія прысутнічалі на сустрэчы, не пажадалі доўга выслухваць гасцей і, як піша старшыня абʼяднання прадпрымальнікаў "Перспектыва" Анатоль Шумчанка ў сваім фэйсбуку, нават прапанавалі індывідуальным прадпрымальнікам ісці на працу ў калгас.
Намеснік начальніка РАУС пагражаў прадпрымальнікам законам аб масавых мерапрыемствах:
Хроніка падзей ад orsha.eu. 14 снежня на форуме прадпрымальнікаў у Менску многія ІП заявілі аб намеры вымушана прыпыніць сваю працу з 1 студзеня 2016 года ў сувязі з аб'ектыўнай немагчымасцю выканання патрабаванняў указа № 222 і тэхнічнага рэгламенту. Згодна з указам № 222 аб рэгуляванні прадпрымальніцкай дзейнасці, з 1 студзеня 2016 г. ІП павінны будуць рэалізоўваць прадукцыю легпрама, увезеную з краін Мытнага саюза, толькі з суправаджальнымі дакументамі.
Мы фатаграфавалі пустыя месцы на Цэнтральным рынку яшчэ 5-га студзеня. Затым, ужо 6-га студзеня, прадпрымальнікі Оршы правялі першы мітынг супраць указу прэзідэнта. 10-га студзеня ІП Оршы не выйшлі на працу ў самы папулярны дзень, чым засведчылі сур'ёзнасць сваіх намераў. 20 студзеня была сустрэча з прадстаўнікамі мясцовай улады, якая пакуль толькі загнала сітуацыю ў яшчэ большы тупік, а прадпрымальнікаў яшчэ і абразілі.
