Варта сказаць, што людзей на аршанскі аўтакрос сабралася як заўсёды шмат. Імі былі "засыпаныя" ўсе бліжэйшыя схілы і пляцоўкі. А таму можна лічыць 4 этап чэмпіянату і першынства Беларусі ў Оршы паспяховым. Ажыятаж быў настолькі вялікім, што на прылеглай да трасы вуліцы 60 год БССР яшчэ да старту гонак скончыўся квас - потым падвезлі новы. Бясспрэчным плюсам было надвор'е - свяціла сонца і нічога не замінала майстрам аўтамабільнага кросу паказаць свае здольнасці. Хіба што для кагосьці тэмпература на двары была завысокай.
Гоншчыкі і трэнеры займаюцца аўтамабілямі ўвесь час, жывуць гэтым, а таму і на спаборніцтвы некаторыя прыехалі на незвычайных машынах, напрыклад, адзін з удзельнікаў, які прадстаўляў Расею. Мінусам можна лічыць тое, што гонкі чарговы раз пачаліся не своечасова, а з затрымкай. Калі ж аўтакрос нарэшце стартаваў, не было межаў радасці гледачоў.
Сёння, 26-га чэрвеня, праграма стартуе а 10:30, адбудуцца фінальныя заезды ў класах "Д-1 Юніёр", "Д-2", "Баггі Д-3 "Спрынт".
