Клас "Ветэран" уключаў у сябе шмат гоншчыкаў, узрост якіх ужо не юнацкі. Аднак адзін з удзельнікаў шакаваў многіх аршанцаў - яму 79 год! Уладзімір Сіткоўскі заняў месца ў сярэдзіне табліцы ветэранскага заліку. 79-гадовы "дзядуля" прадстаўляе каманду "Дон". Нарадзіўся унікальны майстар спорту па мотакросе ў Віцебску. Затым пакінуў родную Беларусь і цяпер жыве ў Расеі, у горадзе Новаваронеж.
Ягонае з'яўленне на спаборніцтвах здзівіла многіх гледачоў-аршанцаў. Аднак для даўніх аматараў гэтага віду спорту няма ніякага дзіва - Уладзімір Сіткоўскі даўно, нягледзячы на тры чвэрці стагоддзя жыцця, бярэ ўдзел у адказных спаборніцтвах. Беларус нават выступаў у нядаўнім чэмпіянаце Расеі.
На фота - гоншчык-ветэран пад нумарам 41.
