Здарэнне адбылося яшчэ 13 чэрвеня, а цяпер вынесены прысуд. Позднім летнім вечарам 34-гадовы мужчына быў затрыманы за тое што ў п'яным выглядзе збіў сваю сужыцельніцу і ейную маці. Варта адзначыць, што раней ён ужо быў судзімы, у тым ліку, за забойства, якое здзейсніў у падлеткавым узросце. Затрыманне, канешне, п'яному не спадабалася - ён паспрабаваў сыйсці з апорнага пункта міліцыі. Аказаўшы супраціў участковаму, ён усё ж вырваўся на свабоду і паспрабаваў схавацца. Участковы дагнаў яго, дапамогу ў другім затрыманні рашыўся аказаць неабыякавы мінак. Абодва атрымалі нечаканы супраціў - п'яны пачаў іх... кусаць.
У выніку, за супраціў міліцыі і гвалт у дачыненні да супрацоўніка пры выкананні абавязкаў ды грамадзяніна, які выконваў грамадскі абавязак, падсудны атрымаў 5 год калоніі строгага рэжыму.
