Орша, Грамадства

Кааператыў не спраўляецца (+відэа)

03.03.2017 08:32

4468 праглядаў, 107 каментароў

У доме № 43 па вуліцы Молакава кааператыў кепска выконвае свае абавязкі. А грошы збяруць зноў з людзей?

Жыхары дома № 43 па вуліцы Молакава наракаюць на ўмовы свайго жыцця. Дом са шматлікімі праблемамі - неідэальныя сцены, разбітыя градуснікі ў бойлернай, адсутнасць асвятлення ў пад'ездзе, перабоі з гарачай вадой. Людзі, якія пражываюць у гэтым доме, баяцца, што кааператыў папросту чарговы раз збярэ грошы з іх на "паляпшэнне ўмоваў", а сітуацыя ў лепшы бок не зменіцца. Пакуль людзям так і не ўдалося дамагчыся ад кааператыву істотнага паляпшэння, таксама не атрымалі жыхары і справаздачы, на што пайшлі грошы, закладзеныя на абслугоўванне дома.