27-гадовы кіроўца Volkswagen Golf учыніў незвычайную і жудасную аварыю на вуліцы Леніна. Здарэнне адбылося 3-га верасня ў 22:01. Кіроўца не справіўся з кіраваннем, выляцеў на ходнікі і ўрэзаўся ў дзверы крамы, якая, па іроніі лёсу, прадае аўтамабільныя прыналежнасці. На месца неўзабаве прыбылі супрацоўнікі ДАІ. Сітуацыя прыцягнула на месца здарэння дзясяткі аршанцаў, якія праходзілі ці праязджалі побач з месцам аварыі. Як неўзабаве пасля аварыі высветлілі супрацоўнікі праваахоўных органаў, кіроўца не меў права кіраваць аўтамабілем з самай простай прычыны — у яго не было правоў. Цяпер кіроўцу без правоў, які п'яны сеў за стырно, чакаюць доўгія разбіральніцтвы. На вялікае шчасце, аварыя не прынесла ніводнай чалавечай ахвяры.
Фота "Инфоград".
А вось так выглядае уваход у краму 4-га верасня, сфатаграфаваны нашымі карэспандэнтамі. Гаспадарам новай крамы давядзецца прыкласці яшчэ нямала намаганняў, каб аднавіць уваход нармальным чынам, няма сумневаў, з 27-гадовага парушальніка яны будуць праз суд спаганяць свае грашовыя страты.
