Увага! Конкурс!

Абвешчаны конкурс літаратурных твораў да 500-й гадавіны Аршанскай бітвы

1336 просмотров :: 0 комментариев 07.08.2014 08:03

Конкурс праводзіцца Аршанскім маладзёжным грамадскім аб’яднаннем “ЗВЯЗ” і Асамблеяй няўрадавых дэмакратычных арганізацый з мэтай пашырэння інфармацыі пра славутую перамогу пад Оршай, спрыяння вывучэнню беларускай гісторыі, выхавання маладых пакаленняў у духу беларускага патрыятызма, росту самасвядомасці беларусаў.

У конкурсе можа прыняць удзел любы грамадзянін незалежна ад узроста, адукацыі, месца жыхарства і г.д.

Прыём прац пачынаецца 10 жніўня і заканчваецца 10 верасня 2014 г.

Конкурс складаецца з 2-х часткаў – конкурс эсэ і конкурс вершаў.

На конкурс эсэ прымаюцца працы, тэматыка якіх звязана з Аршанскай бітвай 1514 года.

На конкурс вершаў прымаюцца вершаваныя працы, тэматыка якіх звязана з Аршанскай бітвай 1514 года.

Працы высылаюцца на электронны адрас orsha.eu@gmail.com з паметкай – на конкурс.

Для ацэнкі конкурса ствараецца кампетэнтнае журы з ліку мовазнаўцаў і гісторыкаў.

Асобы, заняўшыя 1-е, 2-е, 3-е месца ў кожным з конкурсаў, узнагароджваюцца прызамі.

Абвяшчэнне вынікаў конкурса і ўручэнне ўзнагародаў адбываецца ў канцы верасня 2014 г.

Комментарии читателей:

Новости: Орша

Новости: Культура