Аршанцы ў Цмока

На фестывалі "У госці да лепельскага цмока" выступяць аршанцы

287 просмотров :: 0 комментариев 18.08.2017 09:39

Стаўшы ўжо традыцыйным фестываль "у госці да лепельскага цмока" мае непасрэднае дачыненне да Оршы. Перш за ўсё таму, што "існаванне" лепельскага цмока апісаў у рамане "Хрыстос прызямліўся ў Гародні" наш зямляк Уладзімір Караткевіч. Менавіта гэты твор натхніў аўтараў ідэі стварыць з цмока турыстычны брэнд рэгіёна. У выніку, у гэтым годзе міжнародны фестываль міфалогіі ў Лепелі пройдзе ўжо трэці раз. І кожны год на фестывалі выступаюць аршанцы і кожны год на фестываль прыязжаюць гледачы з Оршы (ехаць не так ужо і далёка).

У гэтым годзе аршанцаў на фэсце будзе яшчэ больш: у 14-00 у музычнай частцы мерапрыемства выступіць амаль што аршанскі гурт "Лепшы квас", а 16 гадзіне выступіць гурт «Нarmonic Style Project», а а 18-30 на фестывале пройдзе "Спеўны сход" з Сяржуком Доўгушавым.

Гледачоў з Оршы таксама стане больш, у гэтым годзе з нашага горада быў арганізаваны бас-тур. Прычым, без рэкламы аўтобус на фестываль з Оршы быў запоўнены цалкам за тры дні.

Праграма фестываля цалкам:

11:00-11:20 Вітальнае слова арганізатараў.

11:20-12:00 Прэзентацыі ўдзельнікаў фестывалю

.

12:00-13:00 Маладзёвы этна-праект «Патрыцыя-Гарэза» і іншыя юныя дараванні.

13:00-13:30 Фольк-этна гурт «Малала».

13:30-14:00 Фальклорны гурт «Варган» (г. Полацк)

14:00-14:40 Музычны гурт «Лепшы квас». Сучасная музыка ў стылі поп-панк-рок.

14:40-15:20 Поп-рок гурт «Тутэйшыя».

15:20-16:00 Дуэт «Агата» – новая музыка ў спалучэнні беларускага фальклору, еўрапейскага этна-джаза і лаціна-амерыканскага танга.

16:00-16:40 Гурт «Нarmonic Style Project»

16:40-17:40 Аўтарскія песні на словы беларускіх паэтаў. Спявае Зміцер Вайцюшкевіч.

17:40-18:30 Фольк-рок гурт «Рокаш».

18:30-19:00 «Спеўны сход» з Сержуком Доўгушавым.

19:00-20:30 Легенда беларускага фольку Алег Хаменка і гурт «Палац».

20:30-22:00 Вітаем гасцей з Украіны! Гурт «TaRuta»

Таксама акрамя асноўнай праграмы на фестывалі будуць дзейнічаць інтэрактыўныя тэматычныя зоны:

— дзіцячы пагорак (казкі, гульні, спектаклі, забаўлянкі ад казачніцы Ларысы Рыжковай і гурта «Калыханка»),

— танцавальная лагчына (майстар-класы па музыцы, спевах, танцах і не толькі),

— прэзентацыя кнігі «Кулінарная спадчына Лепельшчыны» (15.00),

— даліна майстраў,

— кулінарны востраў,

— турыстычная пабярэжжа.

— шоу паветраных змеяў.

Комментарии читателей:

Новости: Беларусь

Новости: Культура