Тур Доўгушава і Ясінскага ў фота і відэа

Прэзентацыя альбома "Дарогі" адбылася ў шасці гарадах краіны, у тым ліку і ў Оршы.

186 просмотров :: 1 комментарий 13.02.2018 13:01

Унікальны альбом Сержука Доўгушава і Аляксандра Ясінскага "Дарогі", у якім змешчаны песні на вершы Анатоля Сыса і Уладзіміра Караткевіча, быў прэзентаваны ў шэрагу гарадоў Беларусі. Пачаліся беларускія гастролі ў родных для баяніста Ясінскага Баранавічах, затым быў канцэрт у Берасці.

У Менску нават адсутнасць вялікай рэкламы не стала перашкодай для людзей, на канцэрце блізкага стану да аншлагу, як у Баранавічах і Берасці не было, аднак зала запоўнілася грунтоўна.

А затым быў канцэрт у Оршы, пра які мы напісалі тэкст і размясцілі відэа выступу. Нягледзячы на забароны ідэолагаў, канцэрт усё ж адбыўся ў фармаце кватэрніка. І стала зразумела: быў бы канцэрт на шырокай пляцоўцы, людзей было б разоў у пяць болей. У месцы, дзе адбываўся кватэрнік, ледзь хапіла месцаў, некаторыя людзі вымушаныя былі стаяць, каб паслухаць артыстаў.

Працягнуўся канцэрт двума іншымі гарадамі на ўсходзе Беларусі — Віцебскам і Магілёвам. У Віцебску канцэрт прыняў паб "Торвальд", у Магілёве тайм-кафэ "Неба".

Сяржук Доўгушаў, яго маці і Аляксандр Ясінскі на канцэрце ў пабе "Торвальд" у Віцебску.

Перад заключным канцэртам у Магілёве.

Варта адзначыць таксама, што ў большасці гарадоў людзі актыўна раскуплялі дыскі з альбомам "Дарогі" і падпісвалі іх у артыстаў. Тур можна лічыць паспяховым, адзінай фальшывай нотай магла стаць Оршы з-за забароны ідэолагаў, але прынцыповасць артыстаў, якія вырашылі ў любым выпадку выступаць у Оршы і актыўнасць саміх аршанцаў, якія зладзілі канцэрт, вырашылі справу станоўча. Выступ адбыўся!

І відэа песень з пары канцэртаў. Песня на верш А.Сыса "Пайду туды, адкуль прыйшоў", выкананая ў Баранавічах:

А гэта выкананне кампазіцыі "Суд птушак" на канцэрце ў Менску:

Комментарии читателей:

Новости: Беларусь

Новости: Культура