Уільям Гарысан – добры, надзейны муж, які марыць займець дзіця. І самы вялікі ягоны недахоп – нястрымнае пачуццё рэўнасці. Ягоная жонка Кэці думае толькі пра забавы і бесклапотнае жыццё і аднойчы ўтойвае ад мужа, што снедала ў рэстаране з сябрам сям’і Джымі Скотам. Уільям мог бы не заўважыць такую дробязь, але ж Кэці хлусіць яму пастаянна. Пасля чарговага скандалу муж сыходзіць з дому. Каб вярнуць каханага, Кэці вырашаецца на грандыёзны падман, падказаны сяброўкай Мэджы Скот…

Вядома, авантурная камедыя становішчаў скончыцца хэпі-эндам. А перад гэтым героі вымушаны не адзін раз сур’ёзна панервавацца, разблытаць сетку недаказанасцяў, смела прайсці праз недарэчныя абставіны. І ў рэшце рэшт зразумець, што гарманічныя сямейныя адносіны будуюцца не толькі на моцным каханні, але і на даверы.

Пераклад, пастаноўка і музычнае афармленне Міхася КРАСНАБАЕВА.

Мастак-пастаноўшчык Святлана МАКАРАНКА.

ДЗЕЙНЫЯ АСОБЫ і ВЫКАНАЎЦЫ

УІЛЬЯМ ГАРЫСАН

- Цімур ЖУСУПАЎ

КЭЦІ ГАРЫСАН

- Вікторыя ШАМАРДЗІНА

ДЖЫМІ СКОТ

- Арцём БЛАХІН

МЭДЖЫ СКОТ

- Святлана СУХАДОЛАВА

МІС ПЭЦІКТАН

- Раіса ГРЫБОВІЧ

- Вольга КУЛЯШОВА

ГЕНРЫ

- Яўген БЕРАСНЕЎ

- Юрась ЦВІРКА

ПАЛІСМЭН

- Вадзім АСВЯЦІНСКІ

- Герман ДЫМАРЭЦКІ

МОД

- Тамара КРАСНАБАЕВА-ЧАРНЯК

ЗОЭ

- Анжаліка БАРКОЎСКАЯ

Працягласць спектакля - 2 гадзіны з антрактам.