Анамальна цёплае надвор’е стала прычыный таго, што звяры, якія прынамсі да сакавіка мусілі спаць у сваіх бярлогах, заўчасна прачнуліся. Небяспека сустрэчы з імі у тым, што мядзведзі пасля спячкі пачынаюць шукаць ежу, якой узімку бракуе. У гэтых пошуках яны могуць выйсці на ўскраек лесу і нават падыходзіць да бліжэйшых вёсак. Варта памятаць: галодныя звяры вельмі агрэсіўныя.
Свежыя мядзвежыя сляды мясцовыя жыхары ўжо заўважалі ў лясах Лёзненшычыны. А паўтара месяцы таму жыхар аграгарадка Бабінавічы нават сустрэўся з са звярамі сам-насам, і ўсё скончылася дрэнна, хаця магло скончыцца и яшчэ горш. Мядзведзіца падрала мужчыну, якога ўратавала толькі тое, што маці пакликали мядзьведзяняты. Ён трапіў у шпіталь з кусанымі ранамі бядра, вывіхам пляча і гематомамі.
Лёзненская раённая інспекцыя прыродных рэсурсаў і аховы навакольнага асяроддзя папярэджвае, што мясцовым жыхарам не варта заходзіць глыбока ў лес у адзіночку, асабліва ў прыцемках. Заўважыўшы мядзведзя, ні ў якім выпадку нельга да яго падыходзіць. Наадварот: варта пастарацца непрыкметна сысці, прычым адступаючы назад - паварочвацца спіной да звера нельга. Нельга і ўцякаць бегма - мядзведзь успрымае гэта як сігнал да пераследу.
