Сайт Кrynica.info распыта розныя бакі пра канфлікт наконт рэстаўрацыі Базылянскага манастыра. Архібіскуп Віцебскі і Аршанскі Дзімітрый лічыць, што ў справе з помнікам недапрацаваў благачынны Аршанскай акругі пратаіерэй Валерый Сярко. Дакументацыя ў майстэрні архітэктара Мікалая Лук'янчыка пакуль афіцыйна не зацверджаная, а таму рабіць які-кольвек кансервацыйны дах дагэтуль немагчыма.
Матушка Данііла, якая займалася справамі манастыра, спрабавала накрыць будынак дахам, але, паводле яе словаў, на яе паскардзіліся за несанкцыянаваныя работы. У выніку ў манахіні Даніілы быў канфлікт з айцом Сярком, яна змушаная была перасяліцца ў манастыр у Віцебску. Вось, што яна кажа пра ахвяраванні:
Вось мастак Купава даў 400 тыс., А яшчэ і іншыя давалі па 10, па 15 млн, і не імкнуліся да афішавання свайго імя, наадварот, больш не ўспаміналі аб гэтых ахвяраваннях. Шмат ахвярадаўцаў з замежжа, у асноўным, з Масквы. Але мае маскоўскія знаёмыя, напрыклад, якія далі і згодныя шмат даць яшчэ, настойваюць, каб гэта быў не проста храм або манастыр, а - Дом міласэрнасці, які б працаваў па праграме "Міласэрнасць". Гэтая праграма шматлікім людзям здаецца неадназначнай, так як у статуце яе закладзена, што спачатку няшчаснаму чалавеку, які апынуўся за бортам жыцця, трэба стварыць нармальныя ўмовы існавання, накарміць і даць чыстую ложак, а ўжо пасля знаёміць яго з Божым словам ці пытацца пра ягонае веравызнанне.
У той жа час, айцец Валерый Сярко прызнаецца, што не давярае людзям, якія размаўляюць па-беларуску: "Ведаеце, я адразу здагадаўся, што гэта "свядомыя". І я не хачу падстаўляцца". Увесь розгалас вакол сітуацыі святар лічыць "шумам дзеля шуму".
Старшыня Беларускага добраахвотнага таварыства аховы помнікаў гісторыі і культуры Антон Астаповіч лічыць, што прэтэнзіі да праваслаўнай царквы пакуль нельга назваць абгрунтаванымі.
Цалкам матэрыял можна прачытаць на сайце Кrynica.info.
