Неаднаразова беларускія чыноўнікі, у тым ліку і галоўны з іх, казалі пра адказнасць беларусаў па артыкуле "наёмніцтва". Аднак факты сведчаць пра адваротнае: калі сем'і беларусаў, якія ваююць за Украіну, адчулі на сабе прэсінг спецслужбаў, а самі байцы былі завочна папярэджаныя пра адказнасць па дадзеным артыкуле, то тыя, хто ваюе на баку сепаратысцкіх фармаванняў, што падтрымліваюцца Расеяй, спакойна прыязджаюць у Беларусь і зноў вяртаюцца на Данеччыну, каб ваяваць за так званую "Наваросію".
Беларускі баец так званых ДНР і ЛНР Іван Яравы з пазыўным «Пушкін» быў затрыманы КДБ у Воршы ў кастрычніку 2015 году, але праз тыдзень беларускія праваахоўнікі яго адпусьцілі. І ён зноў паехаў ваяваць на Данбас. Размову з ім прыводзіць "Радыё Свабода". У ёй, у прыватнасці, баевік кажа: "мне гэтая Беларусь не патрэбная", "следчы ведаў, што я вярнуся ваяваць на Данбас" і гэтак далей. Цалкам матэрыял чытайце тут.
Раней наш сайт публікаваў інтэрв'ю ўкраінскай "Реальной газеты" з беспрацоўным аршанцам, які за расейскія грошы ездзіў на сепаратысцкія мітынгі ў Данецк.
