Гаворка ідзе пра чыгуначны мост праз раку Адроў, які знаходзіцца на выездзе з Оршы ў бок Барані і Шклова. Гэта адзін з найбольш старых чыгуначных мастоў, які не мяняў сваёй архітэктуры да 2018 года. Яшчэ ў мінулым годзе было бачна, што мост складзены з абцясаных камянёў. Толькі ў гэтым годзе пад час яго капітальнага рамонта яго затынкавалі. Дзяуючы ранейшай каменнай кладзцы мост быў папулярны, дарэчы, у альпіністаў, якія там, бывала, трэніраваліся.
Пра мініраванне гэтага маста паведамляе БелТА. Калі рамонтнікі знялі частку рэек і палатна ў пачатку маста, пад гэтым усім яны пабачылі 54 трацілавыя шашкі. Па меркаванні супрацоўнікаў вайсковай частцы, якая размінірвала мост, шашкі былі закладзеныя савецкімі войскамі пад час адступлення ў гады Другой сусветнай вайны. Але чамусці так і не ўзарваныя - на іх не было, нават, зарадаў.
Траціл быў вывезены ў бяспечнае месца і там знішчаны.
Гэта першы выпадак, прынамсі, на Аршаншчыне калі выбухоўкі часоў вайны да 21 стагоддзя былі не выяўленыя на стратэгічных інжынерных збудаваннях - амаль 80 год шашкі праляжалі пад мастом, пра гэта сведчыць і зніўшыя дошкі скрыні ў якой яны былі пакладзены пад мост.
