Новым галоўным трэнерам футбольнага клуба "Орша" замест адпраўленага ў адстаўку Сяргея Вехцева прызначаны магілёўскі спецыяліст Аляксандр Вопсеў. Раней ён працаваў з дублем магілёўскага "Дняпра", у студзені 2015 года ўзначаліў асноўную каманду, дзе працаваў да лютага 2016-га. Затым прыняў іншую каманду з Магілёва — "Тарпеда". Аднак там праз пэўны час пачаліся арганізацыйныя праблемы, і каманда зьнікла. Вопсеў трэніраваў жаночую каманду "Надзея-Дняпро", увосень 2019 года ўзначаліў "Граніт" з Мікашэвічаў, дзе працаваў да канца сезона. Пры Вопсеве "Граніт" правёў 14 паядынкаў, заваяваў 5 перамог, згуляў 5 нічыіх і 4 разы саступіў.
Дапамагаць Аляксандру Вопсеву будуць колішні футбаліст зборнай Беларусі Аляксандр Чайка, а таксама ветэран аршанскага футболу Мікалай Кітаёў. Ён якраз і застаўся ад мінулага трэнерскага штабу. У мінулым сезоне Кітаёў быў гуляючым трэнерам каманды. "Орша" ўжо выйшла з адпачынку, на трэніроўках займаюцца 19 чалавек.
