на Арганізатары фестывалю імя Караткевіча не адмаўляюцца ад статуса падарожнага і ў гэтае падарожжа ўжо могуць адправіцца ўсе ахвотныя. У прыватнасці, у рамках фэсту распачаўся «вадаплаўны флэш-моб». Ідэя ў тым, каб людзі на чоўнах ці іншых водаплаўных сродках праплыліся па мясцінах Караткевіча на Дняпры. Але каб сплаў быў не толькі забаўляльным, але і пазнавальным, арганізатары прапануюць пераўтварыць сплаў у квэст з выкананнем абавязковых заданняў і запаўненнем пашпарту турыста. Каманды якія пройдуць увесь маршрут і цалкам запоўняць свой пашпарт атрымаюць каштоўныя прызы. Для гэтага перад вандроўкай трэба зарэгістраваць каманду па гэтай форме і спампаваць ды раздрукаваць пашпарт вандроўніка адсюль.

Каманды самі вызначаюць адкуль пачаць сваё падарожжа, але рэкамендавана пачаць яго ад «Порта Крапіўна». Тут адзнаку ў пашпарце і расповед пра цікавосткі Крапівенскага зробіць і раскажа Генадзь Шэпелеў. Наступы пункт «Порт Орша». У нам горадзе вандроўнікі могуць прайсці па мясцінах Караткевічавага дзяцінства і юнацтва і абавязкова наведаюць «Цудоўную краму» на другім паверсе Молакава 5, дзе можна набыць сувеніры звязаныя з Караткевічам ды таксама зрабіць адзнаку ў пашпарце. Наступны пункт на Аршаншчыне — «Порт Ляўкі» з яго знакамітым музеем. А далей праз прыпынкі ў партах Магілёў, Быхаў, Азярышча вандроўнікі плывуць да Рагачова. Паўдзельнічаць у сплаве можна да 25 верасня.