«Вітэн» трыўмфальна завяршыў рэгулярны чэмпіянат Беларусі па міні-футболе. У заключным паядынку ён сустракаўся з патэнцыйным канкурэнтам за залатыя медалі па выніках плэй-оф — гомельскім ВРЗ. Гульня на паркеце суперніка стала сапраўдным спектаклем для тых, хто назіраў за паядынкам. Энергетыкі ўжо на 12-й хвіліне вялі 3:0 пасля двух дакладных стрэлаў Яроміна і голу Казла.
Але да 26-й хвіліны гамельчыкам удалося забіць тройчы — 3:3! Пасля забіў Рось, але і на яго гол ВРЗ знайшоў адказ. У апошнія паўтары хвіліны аршанскі клуб усё ж знайшоў «управу» на гаспадароў — забілі Козел і Рагавік — перамога «Вітэна» 6:4!
Чырвона-чорныя перамаглі ва ўсіх 22 матчах рэгулярнага чэмпіянату. Калі аршанцы захаваюць такі імпэт у матчах плэй-оф, золата нацыянальнага першынства нікуды ад каманды не падзенецца.
