Рэгіён, Палітыка

Палітвязні. Уладзімір Шакун

26.05.2021 19:40

3344 прагляду, 0 каментароў

Працягваем публікаваць інфармацыю пра палітвязняў, якія накіраваныя ў суседнія з Аршанскім раёны

Уладзімір Шакун — жыхар заходніх Жыткавічаў, асуджаны адразу па двух артыкулах за адно дзеянне. Паводле версіі следства, у Шакуна дома быў дзяржаўны сцяг. Пасля падзеяў жніўня мінулага года, 32-гадовы Ўладзімір дастаў яго і зрабіў проста на сцягу абразлівы надпіс ненарматыўнага зместу ў дачыненні да лукашэнкі. Пазней гэты сцяг ён вывесіў на ўездзе ў Жыткавічы з боку Турава на будынку зачыненага рэстарана.

Абвінавацілі яго ў абразе прэзідэнта і здзеку з дзяржаўных сімвалаў.

Цяпер Уладзімір адбывае два гады хіміі ў Круглым. Адрас для падтрымкі: Выпраўленчая установа адкрытага тыпу № 46. 213188 г.п. Круглае, вул. Савецкая 96. Шакуну Уладзіміру Віктаравічу.