Нагадаем, што 4 верасня пад Оршай мусіў прайсці традыцыйны фестываль прысвечаны перамозе пад Оршай 1514 года. За некалькі гадзін да пачатку фэсту, месца яго правядзення было перанесена пад вёску Брылі. Там пад Брылямі ў ляснымі масіве міліцыянты затрымалі траіх мужчынаў, якія рыхтавалі сцэну для выступаў.
З траіх затрыманых, аднаго мужчыну выпусцілі пад падпіску аб абавязковай яўцы. Наколькі нам вядома гэтым мужчынам стаў Васіль Мірановіч - інвалід па зроку.
Але ўчора стала вядома, што ўсіх траіх усё адно асудзілі за правядзенне несанкцыянаванага мерапрыемства. Юрка Копцік, Васіль Мірановіч і Ігар Уласенка кожны правядзе ў Аршанскім ІЧУ па 10 сутак і выйдуць на волю каля 20-00 14-га верасня.
