Орша, Культура

Вайсковая Іллінка. Фота

16.10.2021 18:52

3349 праглядаў, 0 каментароў

Фотаздымкі Іллінскай царквы зробленыя немцамі

Сёняшні будынак Іллінскай царквы пабудаваны ў 19-ым стагоддзі і вельмі пазнавальны, хаця будаваўся па тыпавым праэкце. Адпаведна і на фотаздымках якія нядаўна былі апублікаваныя адным з нямецкіх музеяў яна пазнавальная. Дзякуючы таму, што нямецкія вайскоўцы фатаграфавалі гэты помнік архітэктуры, мы можам бачыць і тое як выглядала ў 1941 годзе Задняпроўе.

4 фотаздымкі мы знайшлі ў калекцыі музея, апублікаванай ў сеціве. Па-першае, вайсковая пераправа праз Днепр зусім блізка да царквы.

Па другое цікава выглядае задняпроўскі раён — ён вельмі мала забудаваны ў параўнанні з сёняшнім часам. На першым фотаздымку за царквой бачны нейкі высокі каменны будынак, што за ён мы не змаглі апазнаць. Па архітэктуры ён нагадвае царкву Куцеенскага манастыра, але манастыр геаграфічна мусіць быць у іншым месцы. Магчыма гэта нейкі будынак жаночага Куцеенскага манастыра, які быў на месцы сёняшняй школы № 20.