Суддзя Юлія Вяршыніна запісала сабе ў біяграфію яшчэ адзін палітычнаматываваны прысуд. На гэты раз на лаве падсудных апынуўся чыгуначнік Аляксей Чэкель. Яго вінавацілі ў абразе Лукашэнкі. Следства выявіла як мінімум два негатыўныя каментары ў сацыяльных сетках. Што канкрэтна напісаў Чэкель не было сказана. Агучылі толькі, што адно са словаў пачыналася на Пр....
Пры наяўнасці змягчаючых абставінаў: малы дзіцёнак і добрая характарыстыка, Вяршыніна ўсё адно выдала даволі жорсткі прысуд - паўтары гады калоніі агульнага рэжыму.
