За здзек з дзяржаўнага сцягу пасля 2020 года гэта далёка не першы прысуд. Але звычайна суды абмяжоўваліся хіміяй, радзей давалі калонію. У Оршы, напрыклад, па такім артыкуле давалі пакаранне ў выглядзе «хіміі». У Круглянскім раёне двум хлопцам не пашанцавала.
З інфармацыі праваабарончага цэнтра «Вясна» ў ноч 23 на 24 ліпеня яны сарвалі з будынка сельскага клуба дзяржаўны сцяг, адначасова зламаўшы яго мацаванне. Пракурор запатрабаваў для абодвух па году калоніі. Суд, традыцыйна, не стаў пярэчыць пракурору і названае пакаранне і выпісаў.
