Вадзім Васільеў быў затрыманы вясной гэтага года. Яго абвінавацілі ў адміністраванні пратэстных тэлеграм-каналаў, у прыватнасці каналу "Віцебск 97%" і "Орша 97%". Абодва гэтыя каналы сёння прызнаныя экстрэмісцкімі, а ў жніўні 2020 года аршанскі канал быў самым папулярным прысвечаным нашаму рэгіёну.
Судзілі 27-гадовага Вадзіма ў Мінску адразу па шасці артыкулах. Што дакладна прыпісалі хлопцу не вядома - суд ішоў у закрытым рэжыме. Вядомы толькі прыгавор - 12 гадоў калоніі ўзмоцненага рэжыму і штраф у 16.000 рублёў.
