Увечары 18 лістапада састарэлы мужчына атрымаў апёкі падчас пажару ў Лёзне.
У 21:46 пажарныя райцэнтру атрымалі паведамленне аб узгаранні прыватнага дома на вуліцы Чарняхоўскага. Да іх прыезду 73-гадовы мужчына, які жыве ў доме, паспеў яго пакінуць самастойна, аднак атрымаў апёкі.
Ратавальнікі патушылі падпаленую драўляную веранду цаглянага дома. У выніку пажару агнём у доме пашкоджаны веранда і маёмасць, закураны сцены і столь.
Па папярэдняй версіі прычынай пажару стала кароткае замыканне электраправодкі, паведамляецца прэс-службай МНС. Пацярпелага пенсіянера прыйшлося шпіталізаваць.
