Раніцай 25 лістапада ў Мінску распачаўся суд па "справе прафсаюзаў". На лаве падсудных аршанец Васіль Бераснеў, які быў намеснікам кіраўніка прафсаюза РЭП, былы кіраўнік гэтага прафсаюза Генадзь Федыніч і філосаф Вацлаў Арэшка. Усіх траіх вінавацяць па трох артыкулах: стварэнне экстрэмісцкага фармавання, распальванне сацыяльнай варожасці і заклікі да прычыненне шкоды нацыянальнай бяспецы.
Тыя хто патрапілі на суд адзначаюць, што Васіль Бераснеў ў бадзёрым настроі. Але праз 10 хвілін пасля пачатку працэсу суддзя Анастасія Папко абвесціла працэс закрытым і выдаліла з залі гледачоў. Сёння суд плануе заслухаць сведкаў.
