Нагадаем, што 27 студзеня ў Оршы павінен быў адбыцца хакейны матч паміж нашым "Лакаматывам" і мінскім "Юнацтвам". Але матч не адбыўся з-за адсутнасці электрычнасці. Гэта дастаткова неардынарная падзея, якая абляцела шмат сродкаў масавай інфармацыі. Некаторы, нават, пісалі, што святло адключылася ва ўсім горадзе.
"Віцебскэнэрга" патлумачыла са свайго боку што адбылося ў пятніцу. Па іх версіі, апублікаванай у тэлеграме, вінаватыя самі супрацоўнікі Лядовай арэны. Святло аварыйна адключылася а 18-31 у размеркавальніку трансфарматарнай падстанцыі самой пляцоўкі.
За лічаныя сякунды размеркавальнік пераключыўся, але з-за памылковых дзеянняў супрацоўнікаў арэны святло выключылася ва ўсім будынку. Энэргетыкі прыехалі на месца здарэнне і змагло хутка ўсё наладзіць. Але на той момант матч ужо адмянілі.
