Аляксандар - актывіст аргкамітэту па стварэнні сацыял-дэмакратычнай партыі "Грамада" (Мікалая Статкевіча). Пасля 2020 года у яго былі затрыманні, але на гэты раз, бачна, справа горш. Аляксандар ужо два дні знаходзіцца ў ІЧУ без суда, адпаведна, гэта можа быць абвінавачанне па крымінальным арыткуле. Ён не паспеў паведаміць пра сваё затрыманне, але па відавочных прыкметах, дома ў яго адбыўся вобшук. Можна дадаць, што апошнім часам у Аляксандра моцна ўпаў зрок. Зараз ён амаль што сляпы.
Паралельна нам паступае інфармацыя і пра іншыя рэпрэсіі ў дачыненні да актывістаў у Оршы пра якія пакуль, напэўна, пісаць ранавата. Але карціна выглядае так, што ў горадзе пачаліся зачысткі актыўных жыхароў перад Днём Волі 25 сакавіка. Колькасць арыштаў вырасла і па ўсёй краіне, нават у маленькіх раёнах дзе раней значных рэпрэсіяў не было.
