У плане палітычных рэпрэсій Орша быў адносна спакойным горадам. Не сказаць, каб рэпрэсіяў зусім не было, але ж іх колькасць была меньшая чым у іншых буйных гарадах, асабліва калі параўноўваць з Брэсцкай і Гомельскай абласцямі. Але ж з восені рэпрэсіі абвастрыліся. Што бачна, у тым ліку, па працы Аршанскага суда.
Так, 27 верасня ў Оршы асудзілі жанчыну з прозвішчам, якое пачынаецца на літару Г., больш дакладна яе імя мы пакуль не высветлілі. Суд абвінаваціў яе ў падпісках на нейкі канал, які ўладамі прызнаны "экстрэміскім". Па меркаванні суда, яна падпісала на канал з мэтай распаўсюда інфармацыі. Прыгавор - штраф у 370 рублёў.
Ужо 29 верасня ў судзе апынуўся жыхар Оршы Ш. Яго абвінавацілі ў несанкцыянаваным пікетаванні, што выявілася ў тым, што ён захоўваў на сваёй старонцы ў Інстаграме герб "Пагоня". Сам мужчына растлумачыў, што калісці дадаў герб, а потым не змог выдаліць, бо згубіў дотуп да старонцы. Яго асудзілі на 15 сутак арышту.
А ўчора ў раскладзе Аршанскага суда з'явілася паседжанне па справе Сяргея Вальковіча, якога судзілі за "экстрэмізм". У чым праявіўся экстрэмізм аршанца пакуль не зразумела. Ёсць верагоднасць, што гэта ўжо паўторны суд, бо на мінулым тыдні прозвішча мужчыны таксама было ў раскладзе работы Аршанскага суда.
