Кандытарская фабрыка «Камунарка» збіраецца будаваць у Лёзне новы цэх па выпуску кітайскіх цукерак з сухога малака з паніжаным утрыманнем цукру. Аб гэтым піша выданне «Эканоміка Беларусі».
Для новага цэха ўжо ўзгаднілі выдзяленне ўчастку. Цяпер ідзе этап выбару абсталявання, каб стварыць лінію вытворчасці прэсаваных цукерак і прадукцыі з сухога малака з буйнымі дабаўкамі. Увасобіць інвестыцыйны праект у жыццё разлічваюць да 2025 года.
У Лёзне плануюць стварыць каля 20 працоўных месцаў. Адным з каналаў продажу могуць стаць камбінаты школьнага харчавання. Аб тым, што цукеркі з сухога малака могуць з’явіцца ў школьных сталовых, гаварылі яшчэ ў верасні. Паўнавартасную вытворчасць гэтай прадукцыі на самой «Камунарцы», гэта значыць, у Менску, запусцілі летась.
У той жа час да 40% малочных цукерак арыентавана на экспарт, у тым ліку Кітай.
Вырабляць у Лёзне разлічваюць 360 тон цукерак на год.
