Злавіць прадстаўнікоў наркамафіі складана, а злавіць тых хто наносіць рэкламу нарка-крамаў яшчэ складаней. Таму ў Оршы рэгулярна з'яўляюцца графіці з рэкламай наркотыкаў. Пры тым, што такая рэклама і ёсць першы крок для ўцягвання людзей ва ўжыванне наркотыкаў.
Адносна нядаўна аршанскай міліцыі ўдалося здзейсніць выключэнне - адзін з такіх графіцістаў быў затрыманы. Мужчына ўжо быў вядомы міліцыянтам - раней ён адседзеў два гады за распаўсюд наркотыкаў. А цяпер, як растлумачыў сам, каб зарабіць на новую дозу псіхатропаў пагадзіўся пабыць маляром. Агулам ён нанес 25 рэкламных надпісаў у Оршы і раёне. Але сядзець у турме ён не будзе.
Суд прыняў да ведама змягчаючыя абставіны - у мужчыны псіхічны разлад у тым ліку ў выглядзе... наркаманіі. Аказалася, што гэтага дастаткова, каб прыгаварыць яго да 1,5 гады грамадскіх працаў. І кампенсацыю шкоды ў памеры 519 рублёў. То бок, суд не ўлічыў, што графіці могуць пашкодзіць нечаму жыццю, падказаўшы як стаць такім жа наркаманам. І палічыў дзеянні хлопца ўсяго толькі псаваннем маёмасці, без аднясення гэтага дзеяння да дзейнасці нарка-мафіі.
