Адпаведна з нашумелым указам № 222, індывідуальныя прадпрымальнікі мусяць прадастаўляць сертыфікаты на тавары лёгкай прамысловасці, прывезеныя ў Беларусь з краін Мытнага саюзу. Беларускія прадпрымальнікі, і ў прыватнасці, аршанскія, не пажадалі рэзка змяняць каналы сваёй працы і прадказальна не выйшлі на працу.
Але спадзевы ўладаў на поўны спакой у гэтым плане не апраўдваюцца. Калі яшчэ 5-га студзеня меншая частка прадпрымальнікаў выйшла на свае месцы, дык 6-га студзеня ўсе дружна праігнаравалі выхад на працу і сабраліся на пратэст супраць указу. Пратэстоўцы трымалі ў руках плакаты "Працу прадпрымальнікам" і "Скасаваць указ № 222".
Лідэр рэспубліканскага грамадскага аб'яднання "Перспектыва" Анатоль Шумчанка апублікаваў некалькі відэазапісаў з аршанскага рынку 6-га студзеня. https://www.facebook.com/100000953097562/videos/996285693746524/ https://www.facebook.com/100000953097562/videos/996285900413170/ https://www.facebook.com/100000953097562/videos/996286430413117/
