Гаворка ідзе пра жыхара мястэчка Калодзішчы Мінскага раёна, які яшчэ восенню 2014 года са зброяй напаў ОРС-аўскую краму каля Чыгуначнага тэхнікума. Тады ў выніку абвешчанага плану "Перахоп" міліцыянты затрымалі яго на чыгуначным прыпынку Хорабрава. Пад час затрымання ён спрабаваў адстрэльвацца ад супрацоўнікаў міліцыі, а пад час рабаўніцтва параніў прадаўшчыцу ў нагу. Вынікам нарабаванага, праўда, стала толькі 350.000 рублёў. Свае злачынствы мужчына апраўдваў тым што хацеў фінансава дапамагчы хворай маці, а рэшту грошай патраціць на дабрачыннасць.
Як аказалася, гэта не адзіны выпадак узброенага рабаўніцтва, здзейсненага гэтым чалавекам. Таму суд разглядаў чатыры разбойных напады ў Смалявіцкім раёне і адзін у Оршы, захоўванне зброі і пакушэнне на забойства. Па ўсіх артыкулах разам падсудны атрымаў 25 год пазбаўлення волі з канфіскацыяй маёмасці, прысуд можа быць абскарджаны.
