Ідэя фільма і назва з'явілася пасля таго як Паўла Левінава асудзілі на 15 сутак арышту за нібыта ўдзел у акцыі 25 сакавіка. Тады іншы праваабаронца Леанід Судаленка ініцыяваў у інтэрнэце флэш-моб "Я такі як Паша". Дык які ён Павел Левінаў? На гэтае пытанне спрабуюць адказаць аўтары фільма ураджэнка Оршы Алена Сцяпанава і барысаўчанін Аляксандар Зянковіч.
У фільме Левінаў паказаны ў розных сітуацыях, бо аўтары пастараліся паказаць свайго героя не як сумнага праваабаронцу з юрыдычнымі ведамі, а як крэатыўнага змагара за правы, які можа паказаць і высмеяць абсурднасць беларускай сістэмы.
Але фільм распавядае не толькі пра аднаго чалавека, а ўвогуле пра праваабрончы рух у краіне. Прэзентацыя фільма "Ён такі" пройдзе ў Оршы ў сераду 22 лістапада а 18-00 па адрасе вул. Камсамольская д. 16, кв. 4. Уваход вольны
