У гэты раз дэпутатамі райсавету павінны стаць 37 чалавек. Частка з кандыдатаў абвесціла пра свой намер ужо зараз, зарэгістраваўшы ініцыятыўныя групы па зборы подпісаў. Адрозненне ад папярэдніх выбараў - малая актыўнасць кандыдатаў. Прэтэндэнтамі на 37 месцаў у Савеце сталі 51 чалавек - агулам было пададзена 52 заявы, але ініцыятыўная група Георгія Фалько не зарэгістравана ў сувязі са смерцю кандыдата.

Праўда, ёсць яшчэ два метады вылучыцца: ад працоўных калектываў і ад палітычных партыяў. Таму, як мінімум 74 кандыдаты, канешне, у выніку будуць. Пакуль жа шэраг партыйных кандыдатаў вырашылі рэгістравацца шляхам збору подпісаў. Так, Аб'яднаная грамадзянская партыя вылучыла 3 сваіх сябраў, некалькі сябраў партыі "Справядлівы свет" таксама будуць збіраць подпісы. Агулам пяць чалавек ад кампаніі "Гавары праўда" таксама будуць збіраць подпісы за сваё вылучэнне. Таксама ў выбарах будзе ўдзельнічаць Яўген Анішчанка, прадстаўнік па Оршы аргкамітэта па стварэнні Беларускай хрысціянскай дэмакратыі.

Большасць жа тых хто зарэгістравалі свае ініцыятыўныя праўладныя чыноўнікі. Так, вылучацца кандыдатам вырашыла ўпраўляючая справамі выканкаму Інна Хамутоўская, некаторыя дырэктары школаў, сельскагаспадарчых прадпрыемстваў і г.д.