Раніцай мы паведамлялі пра пажары напярэдадні, якія забралі жыцці людзей. Адзін з іх адбыўся на вуліцы Трактарнай у Талачыне, тады мужчыну забралі ў Цэнтральную раённую бальніцу Талачына, але там ён памёр ад атрыманых апёкаў. Дом № 35 па вуліцы Трактарнай у Талачыне мае два паверхі і разлічаны на шаснаццаць кватэр. Гаспадар кватэры, у якім здарылася трагедыя, злоўжываў спіртнымі напоямі. Гэта пры высвятленні прычынаў пажару даведаліся работнікі МНС ад суседзяў загінулага. Акрамя таго, спецыялісты паднялі пратаколы РАУС, і высветлілася, што на мужчыну 10 разоў заводзіліся адміністрацыйныя справы за розныя правапарушэнні.
Мужчына жыў у кватэры сам, да яго зусім нядаўна, 21-га студзеня прыходзілі з прафілактычнай размовай па правілах паводзінаў у кватэры, каб не дапусціць пажару. Аднак, відаць па ўсім, просьбаў ён не паслухаўся. Як мяркуюць пажарныя, кватэра загарэлася з-за неасцярожнасці пры курэнні.
