Орша, Эканоміка

Аршанскі лён ў Франкфурце-на майне

09.01.2020 07:00

2832 прагляду, 0 каментароў

Аршанскі льнокамбінат прадставіць сваю прадукцыю на міжнароднай выставе ў Германіі.

Стала вядома, што Аршанскі льнокамбінат у перыяд з 7 па 10 студзеня прымае ўдзел у выставе Heimtextil 2020 якая пройдзе 7-10 студзеня ў Франкфурце-на-Майне.

Наш льнокамбінат прадставіць лепшыя ўзоры экалагічна чыстых ільняных тканін, ручнікоў, абрусаў, коўдраў і пасцельнай бялізны.

Выставу таксама плануюць наведаць прадстаўнікі Баранавіцкага вытворчага баваўнянага аб’яднання, ААТ «Магатэкс» і Слонімскай камвольна-прадзільнай фабрыкі.

Heimtextil Frankfurt праводзіцца ў 48-ы раз з 1971 года. Гэта выстава тэкстыльнай прамысловасці. Штогод сюды з’язджаюцца лепшыя прадстаўнікі ў сваёй галіне, а таксама пачаткоўцы, якія падаюць вялікія надзеі. Heimtextil 2020 ў Франкфурце аб’ядноўвае экспанентаў і кліентаў з розных мэтавых груп.