У сувязі з распаўсюдам каранавіруса, які атрымаў міжнародныя маштабы, пасажырскі рух на чыгунцы скараціўся ў разы. Перш за ўсё гэта з-за адмены міжнародных рэйсаў. Некаторы час праз Оршу яшчэ хадзілі цягнікі на Расію, але цяпер і Расія ўвяла абмежавальныя меры і рух у бок Масквы, Пецярбурга і Калінінграда цалкам спыніўся.
Перш за ўсё гэта б'е па работніках чыгункі. Так, машыністы, заробак якіх залежыць ад колькасці гадзін, якія яны правялі ў рэйсах, атрымалі прыблізна па 50% ад сваіх звычайных заробкаў. Тое самае і з памочнікамі машыністаў. Многія работнікі чыгункі ўжо перайшлі на фактычны 4-дзённы рабочы тыдзень. Афіцыйна такога прыказу не было, але ў вуснай форме рабочых просяць браць адгулы "за свой рахунак" па 4 дні на месяц.
Для Оршы, дзе значная частка насельніцтва эканамічна залежыць ад чыгункі гэта азначае кепскую цапную рэакцыю. Менш атрымаюць чыгуначнікі - менш яны патрацяць у крамах - зменшыцца даход гандлю і г.д.
