Раней кірмашы праводзіліся каля Лядовага палацу, або на плошчы калегіюма езуітаў, у гэтым годзе кірмаш перанеслі на плошчу каля помніка Леніну. Магчыма гэта выпадковасць, магчыма пачатак новай добрай традыцыі — тут кірмаш сапраўды прыцягвае больш увагі, магчыма спроба заняць месца дзе традыцыйна па нядзелях праходзілі акцыі пратэста.
Тым не меньш, кірмаш сапраўды стаў даволі заўважным мерапрыемствам. Днём тут бываюць, нават, культурніцкія мерапрыемствы, а некаторыя арганізацыі не камерцыйнага толку, напрыклад, МНС праводзяць свае атракцыёны. Ратавальнікі, напрыклад, вучаць дзяцей рабіць масаж сэрца, тэлефанаваць па эктраных нумарах і даюць прымерыць элементы формы пажарных. Прыцягваюць увагу дзяцей і пастаўленыя санітайзэры — у Оршы такіх яшчэ не было. Бела-чырвоныя слупы з якіх ліецца антысептык пры націсканні педалі.
Дарослым жа традыцыйна больш цікавыя тавары. наколькі мы змаглі заўважыць, найбольш папулярная тут лаўка з рыбнымі кансервамі. А з тавараў здароўя — пераважна розныя гарбаты, адздараўленчая касметыка ды травяныя зборы.
