Абласная міліцыя паведамляе пра пажар. Здавалася б, чаму пра пажар паведамляюць не ратавальнікі, а міліцыянты. А таму, што пры разбіральніцтве высветлілася, што хутчэй за ўсё машына загарэлася не сама, а з дапамогай чалавека. Пазней удалося высветліць і канкрэтных персонаў якія зрабілі падпал. Імі аказаліся 37-гадовы аршанец і 52-гадовы жыхар суседняга Горацкага раёна. Прычым, яны былі знаёмыя з гаспадаром аўтамабіля, але пра матыў іхняга ўчынку міліцыя не гаворыць.
Аўтамабіль быў ацэнены следствам у 25.000 рублёў і таму на дваіх падпальшчыкаў заведзена крымінальная справа.
