Урад краіны прыняў чарговы раз рашэнне пра падтрымку стратных прадпрыемстваў. Сярод іх і хранічна стратны Аршанскі мясакансервавы. Пралемы мясакамбіната не новыя. Ён некалькі год запар паказваў мінусавы прыбытак. Так, па дадзеных апублікаваных Мінфінам (тады мінстэрства праводзіла эксперамент і публічна паказвала стан адкрытых акцыянерных таварыстваў) у 2016 і 2017 гадах мясакамбінат зарабіў мінус 4 і мінус 5 мільёнаў даляраў за год. Потым прадпрыемства было далучана да гандлёвага дома "Оріс", які разваліўся амаль за год, атрымаўшы дзяржаўную падтрымку. З тае пары публічныя дадзеныя пра стан прадпрыемства амаль знікаюць.
Праўда, зараз можна знайсці статыстыку па прыбытках мясакамбінат за 2021 год і яна паказвае станоўчы вынік - за год прадпрыемства зарабіла амаль мільён даляраў. За кошт чаго адбыўся той рост не зразумела, але лічбы не карэлююцца з рэальнасцю. Бо нейкія яўных прычынаў для росту не было, а ў гэтым годзе прадпрыемства зноў просіць дадатыцыяў ад дзяржавы ў памеры каля мільёна даляраў па курсу.
Дакладная сума таго, што на гэты раз просіць мясакамбінат - 2 749 996 рублі 15 копеек. Гэтыя грошы патрэбныя мясакамбінату на выплату працэнтаў па ранейшых крэдытах перад банкамі. Падкрэслім, што грошы патрабуюцца не на вяртанне крэдыту, а толькі на выплату працэнтаў па крэдытах набраных раней.
Астатнія 6 прадпрыемстваў якім урад выдзеліць субсідыі таксама папрасілі грошы на выплату працэнтаў і гэта Віцебскі мясакамбінат у якога справы яшчэ горш, калі глядзець на суму субсідыі - яму выдзяляецца амаль 20 мільёнаў даляраў. Глыбоцкі мясакамбінат таксама просіць грошай, а астатнія прадпрыемствы - малочныя камбінаты вобласці.
