Гарадскі суд другога па велічыні горада Расеі — Санкт-Пецярбургу — сёння, 9 лістапада задаволіў запыт беларускага боку на экстрадыцыю жыхара Воршы Андрэя Рускіх. Мужчына быў у вышуку за каментары ў сацыяльных сетках — папярэдне, яму інкрымінуюць абразу Лукашэнкі, піша Вясна.
Такім чынам, Расея вырашыла выдаць рэжыму Лукашэнкі яшчэ аднаго беларуса. Гэта ўжо ня першы падобны выпадак, нават для Воршы.
Андрэй — псіхолаг-сэксолаг, псіхатэрапеўт, трэнер у сферы трывожных-фабічных і сэксуальных разладаў, якія маюць псіхалагічную аснову. Ён аўтар некалькіх кніг па практычнай псіхалогіі, таксама ён вядзе сайт і старонкі ў сацыяльных сетках, дзе публікуе парады па розных псіхалагічных праблемах.
