Аршанскія футбалісты рыхтуюцца да новага сезону ў І лізе чэмпіянату Беларусі. Сіня-белыя выступілі на Мемарыяле Уладзіміра Касцюкова, які адбыўся ў Магілёве. У першы дзень аршанцы саступілі 1:3 асноўнаму складу магілёўскага «Дняпра», які якраз толькі супраць аршанцаў выставіў асноўны склад. У другі дзень сіня-белыя разграмілі магілёўскі «Тэхнолаг» 5:1.
У заключны дзень «Ворша» саступіла 1:2 дублёрам «Гомеля», якія і сталі пераможцамі турніру.
Наперадзе ў аршанцаў наступныя матчы. 4 сакавіка а 16:00 «мальцы», як нефармальна называюць каманду, згуляюць супраць «Жодзіна-Паўднёвага», матч адбудзецца ў пасёлку Кастрычніцкі пад Жодзінам.
