Нягледзячы на тое, што Лукашэнка стаў саўдзельнікам вайны Расеі супраць Украіны, ён не плануе прыбіраць кантроль на беларуска-расейскай мяжы, які нечакана з’явіўся сёлета. На гэта ўскосна паказвае тэндэр, абвешчаны дзеля пошуку харчавання для вайскоўцаў. Супрацоўнікі Берасцейскага памежнага атраду будуць кватараваць у Воршы.
Згодна з тэндэрам, апублікаваным 14 траўня і заўважаным журналістамі цяпер, закупляюцца паслугі па арганізацыі харчавання 60 вайскоўцаў Берасцейскай памежнай групы, раскватараваных у Воршы.
Тэрмін аказання паслуг: з моманту заключэння дамовы да 31 снежня 2023 году.
Таму, можна меркаваць, у планах Лукашэнкі — кантраляваць беларуска-расейскую мяжу як мінімум да канца году.
