Экс-гулец зборнай Беларусі Антон Пуціла, які днямі скончыў сваю насычаную кар’еру, падзяліўся ўспамінамі аб сваёй гульні і заявіў, што лепей за ўсё пачуваўся ў нямецкай Бундэслізе. Ягоныя словы прыводзіць канал «Родны футбол».

— Нямецкая Бундэсліга — адзін з самых яркіх этапаў вашай кар’еры. Чаму ў поўнай меры не ўдалося зайграць у топ-чэмпіянаце?

— Складана сказаць. Там прыходзіў я да аднаго трэнера. У нас добры сезон, я згуляў 28 гульняў, мы тамака сталі, па-мойму, сёмымі або шостымі ў чэмпіянаце. І ў наступным сезоне яго забіраюць у «Баер». Прыходзіць новы трэнер са сваёй акадэміяй і т. п. Не магу сказаць, што гэта прадузятыя адносіны, але ён больш стараўся сваю моладзь, сваіх гульцоў прасоўваць. Зразумела, што ты легіянер, ты прыехаў, ты мусіш рабіць гэтую розніцу. Але, недзе чагосьці вось крыху не хапала.

І вось так атрымалася, што прыйшлося з’ехаць у Расею. А потым ужо, калі з’ехаў у Расею, назад у Бундэслігу было складана патрапіць. Таму недзе, можа, няправільны пераход зрабіў.

— А вось у плане жыцця ў Германіі, у плане менталітэту, наколькі вам было камфортна там існаваць у тым асяроддзі?

— Усё было камфортна. Першы час было цяжка, крыху перабудоўвацца трэба было. Але потым, калі перабудаваўся, вось гэтая ўся дакладнасць, разуменне, усё мне вельмі падабалася ў Нямеччыне. У плане футболу, адносінаў, дысцыпліны нямецкай. Мне вельмі пасаваў гэты падыход.