Міністэрства адукацыі Рэспублікі Беларусь устанавіла тэрміны і пункты правядзення цэнтралізаванага тэставання. Яны вызначаны пастановай ведамства № 28 ад 12 сакавіка.

ЦТ будзе адбывацца з 27 траўня па 6 чэрвеня:

беларуская мова — 30 траўня;

расейская мова — 30 траўня;

грамадазнаўства — 27 траўня, 6 чэрвеня;

матэматыка — 27 траўня, 3 чэрвеня;

біялогія — 27 траўня, 3 чэрвеня;

замежная мова (англійская, нямецкая, французская, іспанская, кітайская) — 27 траўня, 3 чэрвеня;

хімія — 27 траўня, 6 чэрвеня;

фізіка — 27 траўня, 6 чэрвеня;

гісторыя Беларусі — 27 траўня, 6 чэрвеня;

геаграфія — 27 траўня, 3 чэрвеня;

усясветная гісторыя (найноўшы час) — 27 траўня, 3 чэрвеня.

Дадатковыя дні ЦТ:

19 чэрвеня можна будзе прайсці тэст па ўсіх прадметах;

23 чэрвеня — другая дата для здачы іспыту па беларускай і расейскай мовах;

21 чэрвеня — па астатніх прадметах, якія ўваходзяць у спіс навучальных прадметаў для правядзення ЦТ.

Час пачатку ЦТ, у тым ліку ў рэзервовыя дні — 11.00.

Зарэгістравацца для праходжання ЦТ неабходна з 9 па 22 красавіка (час працы пунктаў рэгістрацыі — з 9.00 да 19.00 (у суботнія (13 і 20 красавіка) дні — з 9.00 да 18.00)). Для праходжання ЦТ у рэзервовыя дні абітурыенты павінны прайсці рэгістрацыю з 10 па 14 чэрвеня.

Выдача сертыфікатаў ЦТ адбудзецца 1 ліпеня.

Тэставанне сёлета пройдзе на тэрыторыі 40 устаноў адукацыі ў буйных раённых, абласных цэнтрах і сталіцы.