Помнік архітэктуры барока. 3-нефавая базіліка. Галоўны фасад быў падзелены на 3 часткі, размежаваныя глыбокімі прамавугольнымі нішамі з вылучанымі па восям лучковымі аконнымі праёмамі. У завяршэнні фасада — высокі прамавугольны атык з 3-вугольным франтонам, які пераходзіць да плоскасці фасада акруглымі заплечнікамі. У цэнтры атыка авальная люкарна. Фасады крапаваліся вуглавымі калонамі, лапаткамі, тонкапрафіляванымі карнізамі, дэкараванымі вуглавымі вазамі.