Праваахоўнікі Віцебскай мытні ва ўзаемадзеянні з супрацоўнікамі Дубровенскага РАУС выявілі тры факты незаконнага перамяшчэння яблыкаў у Расею. У двух малатанажных транспартных сродках Volvo і грузавым аўтамабілі ГАЗ перамяшчалася агулам парадку 28 тон свежых яблыкаў. Рух транспартных сродкаў з прадукцыяй прыпынены ў Дубровенскім раёне непадалёк ад беларуска-расійскай мяжы. Ва ўсіх выпадках у кіроўцаў — грамадзян Расеі і Азербайджану — адсутнічалі суправаджальныя дакументы і фітасанітарныя сертыфікаты, якія пацвярджаюць бяспеку прадукцыі для спажыўца.
Агульны кошт яблыкаў склаў больш за 25 тысяч рублёў. Па фактах парушэння заканадаўства Віцебскай мытняй распачаты адміністрацыйныя працэсы паводле ч. 4 арт. 12.17 КаАП Рэспублікі Беларусь, паведамляюць мытнікі на сваім сайце. Санкцыі артыкулу прадугледжваюць накладанне штрафу на кіроўцаў транспартных сродкаў у памеры да 30 базавых велічынь.
