Рэгіён, Здарэнні

Прычына: алкаголь і музыка (фота)

16.01.2021 07:18

3552 прагляду, 0 каментароў

Чаму аўтамабіль урэзаўся ў аўтобусны прыпынак? Вынікі расследвання трагічнай аварыі

Здарэнне пра якое ідзе гаворка адбылося яшчэ ў мінулым годзе 27 жніўня. Тады на дарозе з Андрэеўшчыны ў бок Дуброўна (праз Міцькаўшчыну) легкавы аўтамабіль з пяццю чалавека ў салоне ўрэзаўся ў аўтобусны прыпынак каля Міцькаўшчыны. У выніку аварыі двое чалавек загінулі на месцы, а трое патрапілі ў бальніцу.

Следчы камітэт скончыў расследванне аварыі. Як высветлілася, парушана было ўсё што можна. 47-гадовы кіроўца не меў правоў на кіраванне аўтамабілем. У крыві яго было 3-праміле алкаголю. І па гэтай — сумніўнай якасці — дарозе машына ляцела з хуткасцю большай за 90 кіламетраў у гадзіну. У нейкі момант кіроўцу не спадабалася музыка на магнітоле, ён пачаў яе мяняць і ўвага ад дарогі была адцягнута. Усе гэтыя фактары разам і сталі прычынай таго, што аўто на поўным ходзе ўрэзалася ў прыпынак.

Загінуўшым было 32 і 41 год. Адказнасць за іх смерць, канешне, ляжа на кіроўцу.